პირველი ტომი, „ეკოლოგიური პრობლემებისა“ გამოიცა 10 წლის წინათ. ამ დროის განმავლობაში დიდი ცვლილებები მოხდა სამყაროში, როგორც სულიერ, ასევე მატერიალურ სივრცეში. ამ ცვლილებებმა კიდევ ერთხელ დაგვანახა სულიერისა და მატერიალურის უწყვეტი კავშირი: რაც უფრო ღრმა სოციო–ეკონომიკური გამიჯვნები ხდება პოსტსაბჭოურ სივრცეში,მით უფრო ღრმა ურთიერთკავშირები იკვეთება ერთიან საარსებო გარემოში,იდენტური ეკოლოგიური პრობლემების ფონზე.